Sunday, January 25, 2009

“ကျွန်တော်နှင့် အိပ်မက်များ (၁)”



၃.ဘယ်သူဘယ်ဝါရယ်လို့ မသိပဲ နောက်ကနေ အလိုက်ခံရလို့ ကြောက်လန့်တအား ထွက်ပြေးနေရတဲ့ အိပ်မက်


နိုးထနေစဉ် ကာလအတွင်း အလွန်အမင်းစိတ်လှုပ်ရှားခြင်း၊စိတ်လောခြင်းများကြောင့် ထွက်ပြေးရသောအိပ်မက်မျိုးကို မြင်မက်လေ့ရှိသည်။ အပြင်ဖက်လောကတွင် ခံစားနေရသော စိတ်ဖိစီးမှုများကို ကိုင်တွယ် ဖြေရှင်းရန် ကိုယ်တိုင်ရွေးချယ်သည့် နည်းလမ်းများအပေါ် မူတည်ပြီး နောက်မှ လိုက်၍ရန်ပြုခြင်းခံရသောအိပ်မက် သည် စနစ်တကျ အသေးစိတ် တည်ဆောက်ခြင်းခံရသည်။
ဥပမာ-အလွန်အကျွံသောက်စားမူးရစ်ခြင်း၊ ကိုယ်၏ ပတ်ဝန်းကျင်နှင့် နီးစပ်သူများအပေါ်၌ အနှောင့်အယှက်ကျရောက်အောင် နေထိုင်ကျင့်ကြံခြင်းစသည့် တစ်ကိုယ်ရေပျက်ဆီးစေအောင် ပြုလုပ်ခြင်းများကို ထိန်းချုပ်သင့်ကြောင်း သတိပေးလိုသည့် အခါများမှာလည်း မြင်မက်နိုင်ပါသည်။

ရုတ်တရက် တိုက်ခိုက်ခံရသောအခါ အလိုအလျောက်တုံ့ပြန်တတ်ကြသည့် လူတို့၏သဘာဝအတိုင်း၊ နောက်မှ လိုက်၍ တိုက်ခိုက်ခံရသော ဤအိပ်မက်မျိုးသည် နိုးထနေစဉ်အတွင်း ဖိစီးခြင်းအပေါ် မိမိမသိစိတ်ထဲမှ အလိုအလျောက် တုံ့ပြန်ကာကွယ်လိုစိတ်ကြောင့် မြင်မက်ပါသည်။

အိပ်မက်ကို ခြုံငုံသုံးသပ်ကြည့်လျှင်၊ မိမိအား ရန်ပြုလိုသောသူထံမှ ရှောင်ပြေးနေရပါမည်။ ပုန်းအောင်း၍တစ်မျိုး၊ ထွက်ပြေး၍တစ်ဖုံ၊ နောက်မှလိုက်သော ရန်သူထက် ခြေတစ်လှမ်းသာအောင် ကြိုးစားကြပါမည်။ မြင်မက်သည့်သူသည် အိပ်မက်ထဲတွင် လက်ရှိ အခြေအနေကို ပြေလည်အောင် ညှိနှိုင်းမည့်အစား၊ မည့်သည့်အတွက်ကြောင့် မိမိအပေါ်ရန်ပြုရသည့် အကြောင်းပြချက် အမှန်မသိပါပဲနှင့် ထွက်ပြေးရန်သာ အားသန်နေလေ့ရှိသည်။

များသောအားဖြင့် မိမိအား ရန်ပြုလိုသူသည် မိမိကိုယ်တိုင်သာ ဖြစ်သည်။ (သို့) မိမိ၏ တစ်စိတ်တစ်ပိုင်းလည်း ဖြစ်သည်။ ဒေါသစိတ်၊သ၀န်တိုစိတ်၊ကြောက်ရွံ့ စိတ်၊ (သို့) ချစ်စိတ် စသည့်ခံစားချက်များသည် လမ်းရှာ၍ ကြောက်ရွံ့ ဖွယ်ကောင်းသော သက်ရှိအဖြစ် သိပ်သွင်း ဖန်တီး ခံရခြင်းလည်း ဖြစ်သည်။ ထိုကြောင့် အိပ်မက့်မက်သူသည် အမည်မသိရန်လိုသူကို မြင်တွေ့ဖူးသည်ဟု မရှိတတ်ပါ။ ထို့အပြင် ယောင်္ကျားတွေထက်၊ မိန်းမများက မြင်မက်မှု များသည် ဟုလည်း ဆိုသည်။ အကြောင်းမှာ ရုပ်ပိုင်းဆိုင်ရာ အားငယ်မှု၊ စိတ်ပိုင်းဆိုင်ရာ အားနွဲ့ မှုများကြောင့်အပြင်၊ ယောင်္ကျားမိန်းမ ခွဲခြားမှုဆိုင်ရာ အနိုင်ကျင့်ခံရမည်ကို စိုရွံ့ စိတ်ကြောင့်လည်း ဖြစ်ပါသည်။

တိုက်ရိုက် ဘာသာပြန်ရမည်ဆိုလျှင် ကိုယ်ရောစိတ်ပါ တိုက်ခိုက်ညှင်းဆဲ ခံရမည်ကို စိုးရိမ်သောကြောင့် အမည်မသိ၊အကြောင်းမသိ လိုက်လံရန်ပြုခြင်းကို ခံရသည် အိပ်မက့်ကို မြင်မက်ရခြင်း ဖြစ်သည်။ အကြံပြုလိုသည်မှာ...နောက်နောင် ထို အိပ်မက့်မျိုး မြင်မက်ပါက အခြေအမြစ်မရှိကြောက်၍ ထွက်ပြေးမည့်အစား၊ ရန်ပြုလိုသူကို မျက်နှာချင်းဆိုင်တွေ့  ဖြေရှင်းလိုက်စေချင်ပါသည်။ ဤနည်းဖြင့် မိမိစိတ်နှင့် ကြောက်ရွံ့ ခြင်းဖြစ်စေသည့် အဓိက ဇစ်မြစ်ကို ပိုမို နားလည်လာစေလိမ့်မည် ဟု ဖော်ပြထားသည်။

စကားချပ်။ ။ ကျွန်တော်ကိုယ်တိုင် ခဏခဏ မြင်မက်ခဲ့ဖူးသည့်အတွက်၊ မည်ကဲ့သို့ ကိုင်တွယ် ဖြေရှင်းရမည်ကို ယခင်က မသိခဲ့သော်ငြားလည်း၊ တစ်ခါက အိပ်မက်ထဲတွင် ပြေးရမည်ကို စိတ်ပျက်လာသည်နှင့် ဖြစ်ချင်ရာဖြစ်ကွာ ဆိုပြီး လိုက်လာသူကို ရန်ဆိုင်ရန် ရန့်တန့်စောင့်ဆိုင်းခဲ့ဖူးပါသည်...။ ရန်သူနှင့်ထိပ်တိုက်မဆုံခဲ့ရပါ။ ထိုတစ်ခါသည် နောက်ဆုံးအကြိမ် ပြေးရှောင် ပုန်းအောင်းရသည်ဟု မြင်မက်ခဲ့ခြင်းလည်း ဖြစ်ပါတော့သည်။ တိုက်ဆိုင်သည်ဟုသာ ဆိုပါရစေတော့...။


၆. အမှတ်မထင်ပဲ ကိုယ်လုံးတီးနဲ့ လူပုံအလည်ရောက်နေတဲ့အပြင်၊ အ၀တ်အစားတစ်စုံတစ်ရာမှာ ရှာမရတဲ့ အိပ်မက်

ဖတ်ရဖူးသည့် အိပ်မက်ကျမ်းတစ်ခုက ဤကဲ့သို့ ဆိုထားသည်။ အ၀တ်ဟူသည် မိမိကိုယ်ကိုလွှမ်းခြုံလိုက်ခြင်းဖြင့်၊ မိမိမဟုတ်သည့် အခြားလူတစ်ယောက်ဖြစ်အောင် ဖန်တီးပေးနိုင်သည့် အပေါ်ယံအရည်ခွံဖြစ်သည်။ မြန်မာစကားပုံဖြစ်သည့် “တောင်းမှာ အကွပ်၊လူမှာ အ၀တ်” အဆိုအရ၊ လူသည် အ၀တ်ရှိမှ သင့်တော်မည်။ အ၀တ်မပါက ကိုယ်ပေါ်မှ ပြစ်ချက်အားလုံးကို လူတကာမြင်တွေ့ နိုင်သကဲ့သို့ အိပ်မက်ထဲတွင်လည်း ထို့နည်းလည်းကောင်းပင်ဖြစ်သည်။
ဝတ်စလစ်အိပ်မက်သည် မိမိဖုံးကွယ်ထားသော အရာတစ်ခု မထင်မှတ်ပဲ ဗူးပေါ်သလိုပေါ်လာပြီး၊ လူသိရှင်ကြား ရှုံ့ ချ အထင်သေးခံရမည်ကို စိုးစိတ်ပေါ်တွင် အဓိကအခြေခံသည်။

အထက်ဖော်ပြပါ အိပ်မက်မျိုးကို သေချာအဓိပ္ပာယ်ဖော်ကြည့်မယ် ဆိုလျှင် ၁-အိပ်မက်မြင်မက်သူ၌ ကိုယ်မှ တပါး၊ အခြား တစ်စုံတစ်ယောက်ကိုမှ မသိစေလိုသော လှို့ ဝှက်ချက် ရှိနေပြီး၊ ထို လှို့ ဝှက်ချက်ပေါ်သွားမည်ကို စိုးရွံ့ သည့်အခါမှာ လည်းကောင်း၊ ၂-လောကတွင် ရင်ဆိုင်ကျော်ဖြတ်ရမည့် စိန်ခေါ်တိုက်ခိုက်ပွဲများ ( ဥပမာ။ကျောင်းသားဆိုက စာမေးပွဲ ဖြေဆိုခြင်း၊ ၀န်ထမ်းဆိုက အလုပ်နှင့်ပတ်သတ်သည့် အရေးကြီးသောတာဝန် ပေးအပ်ခြင်းခံရခြင်း၊ အများလူထုရှေ့  စင်မြင့်ထက်မှ ဟောပြောမှုများ ပြုလုပ်ရန် ရွေးချယ်ခံရခြင်း အစရှိသည့်..) အတွက် အဆင်သင့်မဖြစ်၊ကြိုတင် မပြင်ဆင်ထားရသေးသည့်အခါတွင် လည်းကောင်း...မြင်မက်တတ်ပါသည်။

်ိအကြောင်းအရာ ၂ ခုပေါ် အခြေခံ၍ မြင်မက်သည်တွင် ယျေဘူရ အားဖြင့် မြင်ကွင်းဇာတ်ကွက်မှာ အနေအထားအမျိုးအမျိုး၊ အခြေအနေအမျိုးအမျိုး ကွာခြားနိုင်ပြန်သည်။ မြင်မက်သူသည် နေ့စဉ်လုပ်ကိုင်နေကျအတိုင်း ကျောင်းကိုသော်လည်းကောင်း၊ အလုပ်ကိုသော် လည်းကောင်း၊ အပြင်သွားရန် ထွက်လာပြီး၊ လူပုံလည်ရောက်ခါမှ ကိုယ်လုံးတီးဖြစ်နေသည်ကို ရုတ်တရက် သိမြင်မိရခြင်းကြောင့် ရှက်ကြောက်မှုကို ခံစားရသည်။ ရောက်ရှိနေသည့် နေရာဒေသ သာ ကွဲပြားနိုင်မည်။ ၀တ်စလစ်ဖြစ်ခြင်းကို
အသိနောက်ကျသည့် အရာတွင်တော့ အတူတူပင်ဖြစ်လိမ့်မည်။ များသောအားဖြင့် မြင်မက်သူသည် မိမိကိုယ်ကို ဖုံးကွယ်ရန် အသည်းအသန်ကြိုးစားလေ့ရှိပြီး၊ အောင်မြင်သည်ဟူ၍ မရှိချေ။

တစ်ခါတစ်ရံ အိပ်မက်မက်သူသည် မိမိ ၀တ်စလစ် ဖြစ်နေကြောင်းသိသော်လည်း၊ ထို ဖြစ်ပျက်မှုကိုပင် ဂုဏ်ယူလျက် သာမာန် သွားလာနေထိုင်နေသည်ဟု မြင်မက်ပါက၊ ထိုသူသည် ဖုံးကွယ်ထားစရာ တစ်စုံတစ်ခုမှ မရှိခြင်းကိုပြပြီး လွတ်လပ်ရိုးသားခြင်းအပြည့် ရှိသည်ဟုလည်း အဓိပ္ပာယ် ဆောင်ပြန်သည်။ သို့သော် လူရေတစ်သောင်း တွင် ၁ယောက်သာလျှင် ထိုသို့မြင်မက်တတ်ပြီး အလွန်တရာမှ ဖြစ်ခဲသည်ဟုလည်း ဆိုပါသည်။

အချစ်ရေးဆိုင်ရာ ကိစ္စများနှင့် ပတ်သတ်၍လည်း တစ်ခါတစ်ရံမြင်မက်နိုင်သည်။ ဥပမာပြောရသော် မိမိသည် တစ်စုံတစ်ဦးအပေါ်တွင် ချစ်ခြင်းစိတ်ညွှတ်လျက်ရှိနေငြား၊ ဖွင့်မဟရဲ၊လူသိမှာလည်းစိုးကာ မြိုသိပ်ထားမိသည့်အခါမျိုး၌၊ မိမိစိတ်ဝင်စားနေသူထံရှေ့ မှောက်တွင်ပင် ကာကွယ်ရာမဲ့ အ၀တ်ကင်းရသော ဤအိပ်မက်မျိုးကို မြင်မက်ပါသည်။

ထူးခြားချက်တစ်ခုမှာ အိပ်မက်ထဲတွင် ဇာတ်ကောင်များအဖြစ် လှုပ်ရှားသွားလာပါဝင်နေကြသူများသည် မြင်မက်သူ၌ အ၀တ်မပါသည့် မလုံခြုံမှုကို သတိမပြုမိခြင်း(သို့) မြင်လျက် အရေးတယူစူးစမ်းကြည့်ခြင်းမျိုး မရှိပေ။ ထို့ကြောင့် မြင်မက်သူအများစုသည် ဤအိပ်မက်မျိုးကို နိုးထပြီးသောနောက် အရေးတယူမရှိတတ်ကြ။ သိထားသင့်သည်မှာ အိပ်မက်တို့၏ အခြေခံသဘောအရ၊ မသိစိတ်ထဲမှ နက်နဲသည့်ခံစားချက်များကို မိမိသိနားလည်အောင် တင်ပြရုံမဟုတ်ပဲ၊ ဖြစ်လာတော့မည့်အရေးကို ကြိုတင်ပြင်ဆင်နိုင်စေရန်လည်း အသိပေးခြင်း တစ်မျိုး ဖြစ်သည်။ အ၀တ်အစားကင်းမဲ့သော အိပ်မက်ကို မြင်မက်ပါက မိမိမသိစေလိုသောအရာသည် အပြင်ဖက်လောက၌လည်း အမှတ်မထင်ပေါ်လာတတ်လေ့ရှိသည်ဟု ဆိုနိုင်ပါတော့သည်။

................................................................................................................................

အိပ်မက်တို့သည် ထူးဆန်းပါတယ်။ သာမာန်လူပင် မဆိုထားနဲ့ မွေးရာပါအလင်းကွယ်နေသူများလည်း အိပ်မက်မက်တတ်ကြသတဲ့..။ အိပ်မက်မက်သူအများစုက မိမိအကြောင်းထက် သူများအကြောင်းကို ပို မြင်မက်တတ်ကြတယ်။ အိပ်မက်ထဲမှာ ပွဲကြည့်ပရိသတ်သဘောမျိုးနဲ့ ဘေးက ရပ်ကြည့်နေတာမျိုးလည်း မက်ကြတယ်။ အိပ်မက်တစ်ခု၊ အကြောင်းအရာတစ်ခုတည်းကိုပဲ တစ်ခါတလဲလဲ ကြိမ်ဖန်များ မြင်မက်တတ်ကြသေးတယ်။ ပြီးတော့ သုတေသန ပြုချက်တွေအရ ကလေးဘ၀မှာ အိပ်မက်ဆိုးမြင်မက်မှု ရာခိုင်နှုန်း အများဆုံးဆိုပဲ။ အသက် ၃နှစ်ကနေ ၈နှစ်တိုင်အောင် မြင်မက်နိုင်တယ်တဲ့...။ ရှေ့ ပြေးနိမိတ်ပြ အိပ်မက်တွေလည်း ရှိသေးတယ်။ တစ်ချို့ နိမိတ်ပြ အိပ်မက်တွေဟာ ကိုယ်ခန္ဓာချို့ ယွင်းအားနည်းလာပြီ၊ နေထိုင်မကောင်းဖြစ်ချင်နေပြီ စသည့် ကျန်းမာရေးဆိုင်ရာပြတာတွေ ရှိသလို၊ ဘယ်လို နေထိုင်ကုသရင် ပျောက်ကင်းနိုင်မလဲ ဆိုတာကို ညွှန်ပြတာတွေလည်း ရှိသေးသတဲ့...။

မှန်တာကို ဆိုရရင် ဘယ်သူမှ အိပ်မက်တွေကို အသေအချာ လုံးစေ့ပတ်စေ့နားလည်မယ် မထင်ပါဘူး။ ဟိုဟိုဒီဒီ ကိုးကားရင်း အဖြေထုတ်ကြည့်ကြမယ်။ တိုက်ဆိုင်တဲ့အခါ ..ဟာ..ဒါ ငါ့အိပ်မက်မက်ဖူးတယ်ကွ လို့ တအံတဩ ပြန်ဖောက်သည်ချကြမှာပါပဲ။ အဲဒါကလည်း လူတွေဟာ အိပ်မက်မက်ပြီး ၅မိနစ်မှာ မြင်မက်တဲ့ အိပ်မက်တစ်ဝက်လောက်ကို မေ့သွားကြလို့တဲ့..။ နောက်၁၀မိနစ်နေရင် ၉၀%ကို မေ့သတဲ့..။ ဒါ အမှန်ပါပဲ။ မယုံဘူးဆိုရင် ဒီည အိပ်တော့ အိပ်မက်မက်ကြည့်လေနော်...။ မက်တဲ့အိပ်မက်ကို ရေးမှတ်ကြည့်ပါ။ တစ်ချို့ အစိတ်အပိုင်းတွေဟာ ၀ိုးတ၀ါးနဲ့ မက်ခဲ့သလိုလို၊ မမက်ခဲ့သလိုလို ဖြစ်နေတာကို လက်တွေ့ ခံစားရပါလိမ့်မယ်။

ကျန်သေးတယ်..။ လူတွေ သက်ရှိ နေထိုင်နေသမျှ ကာလပတ်လုံး အိပ်မက်တွေ ရှိနေဦးမှာ ဆိုပေမယ့် အိပ်နေတုန်း ဟောက်တတ်တဲ့ လူတွေကတော့ အိပ်မက် မမက်နိုင်ဘူးတဲ့ဗျာ...။ မှတ်တမ်းတော်တော်များများမှာ အဲလို ဖော်ပြထားတယ်။
(ဆက်ပါဦးမည်)

မှူးဒါရီ စုဆောင်းတင်ပြသည်။

2 comments:

ရွှန်းမီ said...

အိပ်မက်တွေက အမျိုးမျိုးပဲနော်..
ပြန်စဉ်းစားရင် မူးတတ်တယ်။
စိတ်တော့ ၀င်စားတယ်..
ဆက်ရန်ကို မျှော်နေပါသည်။း-)

BLACK DREAM said...

အနက်ရောင် အိပ်မက်တစ်ခုဆိုရင်ရော...?