Tuesday, October 2, 2012

"ကယောင်ကတမ်းနဲ့ဆို ပြောနေကျစကားက ဘယ်တော့ပြန်လာမှာလဲ"


by Mhu Darye on Friday, August 3, 2012 at 11:52pm

မနေ့ကတင် ခက်တော့မယ်လို့ ပြော
ပြောပြီးတော့ ပြုံး ပြုံးနေမိ၊
ခုထိ မျက်နှာမလွှဲရသေးဘူး
ကံကို မယုံပေမယ့် ဆူးပုံ နင်းရဲသလားပေါ့
တစ်ခုခုအတွက်၊ တစ်ယောက်ယောက်အတွက်၊
တစ်သက်မှာ တစ်ခါလောက်ဖြစ်ဖြစ်၊
လေရောမိုးရော ငြိမ်မှ ဘာထ,ထဖြစ်သလဲ
ခန်းဆီးစကို ဖွင့်လိုက်၊ ပိတ်လိုက်
ဟမ်းဖုန်းကို ကိုင်လိုက်၊ ချလိုက်
ကိုယ့်နောက်ကွယ်မှာဆိုတဲ့ သံသယကိုလည်း ဖြည်ရဦးမယ်
တပ်အပ်မမြင်ရတာတွေအတွက်
၃မိနစ်ထက်ပို ဗျာမများဖို့၊
သတိရတိုင်း လက်လှမ်းမီမှာ စာအုပ်ထဲ ခုန်ခုန်ချ
ဖြည်းဖြည်းချင်းတော့ နားလည်ပါတယ်
စာဖတ်ပြနေတဲ့အသံကို စိတ်ကူးယဉ်လိုက်မိတာနဲ့
တွယ်တာမှုဟာ လက်ချောင်းထိပ်တွေဆီကနေ
ထွက်ပြေးလွတ်မြောက်သွား။ ။


မှူးဒါရီ

No comments: