“တစ်ခြမ်းပဲ့အလွမ်း”

လခြမ်းကွေးကို
လမ်းလျှောက်လာရင်း ငေးစိုက်
သတိရလိုက်မိသေးတယ်.........
သူ့ကို..........

ခုချိန်လောက်ဆို ခိုက်ခိုက်တုန်အောင်
နှင်းတွေကြီးစိုးမယ့်အရပ်............
နောက်လတစ်ခြမ်းကို
သူရော...........
မော့ကြည့်နေမှာလား?


ဘာမှ မဆိုင်ပါပဲ
ရင်ဘတ်ထဲက သံပတ်ပေး မြည်တီး
၁၁နာရီ ထိုးပြီးတဲ့အသံ....

အချိန်မှန်လိုက်တာ.....................

လွမ်းနေလို့ မှာတတ်တဲ့သူ့ကိုလည်း ကျိန်ဆဲတယ်

မပြည့်တပြည့်လကိုလည်း ကျိန်ဆဲတယ်

အိပ်စက်မရတဲ့ညကိုလည်း ကျိန်ဆဲတယ်

အိပ်မက်လေးရယ်..........
မစွန့်စားရဲတဲ့ ငါ့ကိုငါလည်း ကျိန်ဆဲလိုက်တယ်။


မှူးဒါရီ